Apr 21, 2007

ابتسامه مزيفه

مبتسمه .. صامته

هكذا يراها الاخرون دائما فهم يريدونها كما يحبون ان يروها

فمنهم من يحبونها بصمتها ..

فهم يجهلون ما يخفيه هذا الصمت من وجع واهات

بكل ما يحمله من صرخات وذكرى

ومنهم من يريدون ابتسامتها ..

فهم لا يدركون كم دمعه اذرفت من وراء كل ابتسامه

فقد اعتادت على هذه الابتسامه المزيفه التي تراها دائما على وجهها

اعتادت على وضع قناع ملون على وجهها البارد

حتى لا يرى الاخرون حقيقتها

فهي دائما حزينه .. ضعيفه

ولكنها ايضا مبتسمه

مبتسمه لالمها وفي شدتها

حتى وهي تبكي تراها مبتسمه

Apr 20, 2007

علقه تاجات وزحمه


ده التاج الاولاني من ياسمين ومي وهبه

اسم مدونتك؟

More than Words
لماذا اخترته..؟

المفروض انه اسم لاغنيه بحبها

وحسيت انه بيعبر عن اي حاجه

" اكتر من كلمات "

وكان الاول

night rose

وماهي نيتك من وراء اختياره؟

مفيش نيه والله هيه جت كده معايا

هل فكرت في إغلاق مدونتك؟..والسبب؟

هوه انا مش فكرت كده بالظبط بس فكرت معتش ادخل خالص اصلا

عشان غالبا مش بحب اكتب انا كتير

اوقات مش بحب ادخل خالص

يعني اوقات بفضل يبقى التعبير احسن بالسكوت عن الكلام

صورتك في المدونة..رمزيتها ؟

بحب الصوره دي اوي

بحس فيها روح الغموض

لماذا دخلت عالم التدوين من الاساس؟

والله الاول كان كتير اوي بشوف صحابي عاملين وكده

بعدين عجبتني فكره ان الواحد يبقى ليه مكان خاص بيه يكتب فيه اللي على باله

او عن اي حاجه


ولقيتها تسليه بقى :)

احلى جمله قيلت لك فى وصف مدونتك؟


والله مش عارفه

بس كل واحد بيشوف حاجه من وجهه نظره

يعني بيقولوا رقيقه ومعبره يعني:)


التعليقات بالنسبه لك ..اهميتها؟

مش كل التعليقات بتبقى مهمه بالنسبه ليا اوي


يعني على حسب الشخص ده

فيه ناس بتعلق وتناقش من وجهه نظرها ودول بحترم تعليقاتهم جدا

وناس تقول بوست جميل وخلاص كده

احلى بوست كتبته ...ضع اللينك ..ثم اذكر لماذا؟

هوه انا اللي كتبتهم يتعدوا اساسا :$

بس اكتر اتنين بحبهم انا


الى نفسي

في عالم اخر

أفضل مدونة قرأتها؟

مدونات كتير عدت عليا عجبتني بجد


yasmina



اوي بحس انها قريبه مني فحاجات كتير


وتعبيراتها وتسلسل قصصها بتعجبني


ert3ashat


بتعجبني كلماته جدا

وبرغم انه باين انه شخص مرح اوي الا انه حساس جدا فكتاباته


Noher


بتعجبني شخصيتها وعقلها

بحب اعدي عندها ديما

Oma

بيعجبني اسلوبها وبتعجبني كتير من بوستاتها

Meroo


بلوجها بيعكس طبيعتها اوي

Reemo

دماغها عاليه وكلام كبير

Hoba


بلوجها كله مشاعر

مودها ديما رومانسي

أفضل بوست قرأته؟ وضع لينكه

والله بوستات كتير عجبتني وصعب اوي احدد بينهم


بس بحب بوست لياسمين اسمه


ولم تجد حتى تفسيرا


بيفكرني بماضي عدى عليا زمان

حد قل ادبه فى التعليق..ايه رد فعلك؟

لحد دلوقتي الحمد لله مش في حد

بس لو حصل فعلا مش عارفه رد فعلي هيكون معاه ازاي في الموقف نفسه

أسوأ مدونة؟ا


بصراحه مش عدى عليا مدونات ممكن يطلق عليها مدونه سيئه بالمعنى


أسوأ بوست..أسوأ مدون؟

لسه بردو مش شوفت انا مدون او بوست سيء او وحش يعني



*** *** *** *** *** *** **** **** *** *** *** *** *** ***

ده التاج التاني من هبه ومي


حاجه من ريحه المدارس

؟ هل كنت طالب شاطر فى المدرسة

كنت شاطره اوي انا لحد اعدادي

حتى اخر شهاده تقدير ختها انا كانت في تالته اعدادي في الانجليزي :)


إيه أكتر مادة حبيتها في المدرسة والكلية؟

كنت في المدرسه بحب الانجليزي والرياضيات

والفيزيا والكيميا

والنحو من غير العربي

وكنت بحب الاقتصاد


وفي الكليه بحب ماده عندي اسمها اقتصاد رياضي

والاحصا والرياضه

2عشان معظمها رياضه

هيه كل المواد عندي معظمها فيها اول كلمه اقتصاد اساسا


إيه أكتر مادة كرهتها في المدرسة والكلية؟

كنت بكره اوي النصوص والادب القصص بتاعت العربي كلها
وفي الكليه بكره حاجه اسمها


كنت عايز تطلع إيه وأنت صغنن؟

كان نفسي ادخل هندسه طبيه اوي
كانت بالنسبه ليا حلم


بس مش كل حاجه الواحد عايزها بياخدها

والحمد لله على كل شيء

هوه كده لسه تاجين بس كفايه كده دلوقتي عشان ايدي وجعتني يعني :$

Apr 16, 2007

تاج متأخر


من مده كده


او حتى اسبوع باين وبمناسبه شم النسيم اللي عدى يعني


مي بعتتلي تاج بس مش مشكله يعني


تاج متاخر



تكلم عن هواية لما بتمارسها بتستغرق فيها تماماً وتنفصل عن عالم الواقع لفترة من الوقت أثناء ممارستها؟؟


هوه ممكن يكون سؤال بس بياخد وقت في التفكير اوي


معتقدش ان انا عندي هوايه محدده اوي


يعني بحب اقرأ روايات ادب عالمي جدا


دي لوحدها عالم تاني



وبردو بحب انا اكتب اوي


بحب يبقى معايا كشكول صغير وقلم رصاص او قلم اسود ديما


اكتب اي حاجه يعني بقى حروف ارقام كلام اوقات كتير بيبقى ليه معنى والله

واوقات بفضل اشخبط بالرصاص ارسم ورق شجر او غيوم



بس الحاجه اللي بتخليني اعيش مع نفسي او انفصل عن عالم الواقع لفتره


مثلا يعني


ممكن احيانا يكون حصل حوار بيني وبين اي حد ويعجبني فكلامه ليا حاجات معينه او يلفت نظري كلام معين
بفضل اكتبه انا كتير واخطط فيه اوي
و شخبطه كده يعني


سواء كان الحد ده حد بهتم بيه اوي او حد عادي او حصل بيني وبينه مشاكل او اي حاجه
يعني بيلفت نظري الاكلام اللي بيتقال ادامي
ابقي خلي بالك بقى من كلامك يامي يعني




انما موضوع اعديه على مين بقى دي

:D انتي عملتي الواجب مع المعارف والاصدقاء هنا يعني