الى نفسي

الى نفسي .. التي خذلتني

الى نفسى .. التي كانت تعتذرعن كل شيء تفعله

الى نفسي .. التي اردت هجـرها منذ امد بعـيد

الى نفسي .. التي تمنيت منها الرحيل

لماذا مازلت معي

وانتي تعرفين كم تذكريني بالماضي

لماذا انتي هنا

وكل شيء فعلتيه لي مازلت اراه فيكي

.....

هكذا ترى نفسك عندما تجد نفسك في عالم اخر بدون اصدقائك

عندما تجد نفسك خسرت كل شيء حولك حتى نفسك تتمنى رحيلها

لا تعلم اين انت الان وماذا تريد

حتى نفسك التي طالما اردت رحيلها لا تستطيع ان تكون بدونها

في كل خطوه لك للامام فانك تعود الى الخلف بضعفها

وانت لا تعلم الى اين هذا الطريق

طريق الى المجهول في عالم بلا نهايه

لا تعلم ماذا تفعل ولا تجد من يرشدك

فتجلس مكانك مضطرب وتشعر برغبه في البكاء

ولا تجد من هوه حولك

فتبدا بالبكاء وتجد نفسك امامك

فتبدا بتانيبها وتعنيفها على ما حدث

ولكن انانيتك قد اعمتك على ما فعلته انت

فقد كنت معها لحظه بلحظه فيما فعلته هي

خسرت اصدقائك في لحظات عنفك

برغم انهم كانوا مازلوا قربك حتى اخر لحظات ضعفك

بدات تفكر حينها انك تستحق هذا

تستحق ان بتركك الكل وحيدا

فتقرر حينها ان تظل مكانك حتى تستطيع ان تعيش بينهم كانسان

تقرر ان تبقى ولا تعود الا عندما تستحق ان تحيا مثلهم

فتحاول ان تصلح من نفسك رغبه منك في ان تعود اليهم

فانك لن تجد مكانك من هم خير منهم

حتى وان لم تفلح في ان تعيش مثلهم

فاتركهم يرحلون عنك

وتذكرهم دائما حتى تنجح في تغيير نفسك

لسه فاكره

اوقات كتير اوي بيبقى التعبير بالكلام اصعب من الاحساس بيه

ممكن يكون كلامي انا قليل

بس بيقولوا خير الكلام ما قل ودل

صعب اوي بجد الواحد يعيش بعيد عن اهله

برغم اني كنت ديما بحب احساس الغربه واني ابقى بعيد

كنت بردو بفتكر اهلي فوقت غربتي

ممكن كان الواحد وهوه صغير مش عارف قيمه اهله

بس لما كبر دلوقتي وبدا يشيل حمل ومسئوليه عن الاول وبدا يعتمد على نفسه

وحس بجد بمعنى الدنيا دي .. مره تصيب وميت مره تخيب

عرف اد ايه اهله بيتعبو حتى وهوه لسه مش طلع الدنيا دي


ممكن مش حد يفهم قصد كلامي بس هوه كده ريحني


عمري مهنسى كل اللي عملوه معايا فحياتي

ممكن اكون غبيه فوقت عصبيتي بس عمري مقصدت حاجه وحشه معاهم

وبجد فعلا اللي عملوه معايا لحد دلوقتي مهما عملت مش هيجي حاجه جمب اللي بعمله انا

خوف ام ضعف

مش عارفه انا ايه اللي فيا ده


مش عارفه اذا كانت دي لحظه خوف او ضعف بيا

حاسه ان انا خايفه من كل حاجه


خايفه مش اقدر اعيش الحياه الورديه اللي بتمناها

واللي هيه ادامي حياه مثاليه


خايفه اجي فنص الطريق والاقي نفسي لوحدي من غير حد جمبي يشجعني اكمل معاه وعشانه


خايفه اكون مش عارفه اخد قرار صح فحياتي

وتكون دي اوهام مجسمه ادامي وانا مش شايفه الا هيه ادامي


خايفه كل اللي انا فيه ده يطلع سراب سراب واجي فوقت من الاوقات ومش اقدر الاقيه


خايفه انا من الفشل

خايفه مش اقدر اقاومه واتغلب عليه

والاقي نفسي مستسلمه ليه وكانه امر واقع مستحيل اغيره


مش عارفه انا ايه اللي انا فيه ده

وكان الخوف بدا يتغلب عليا وانا مش بقاومه

وكاني بقيت مريضه ومستسلمه ومش قادره اقاوم المرض ده


خايفه يكون هوه ده الواقع بتاعي فعلا

واكون ضعيفه مش قادره اشيل ضغوط تاني